Mujhe Ab Dar Nahi Lagta

Mujhe Ab Dar Nahi Lagta

Kisi Ke Door Jane Se

Taluq Toot Jane Se

Kisi K Maan Jane Se

Kisi K Rooth Jane Se

Mujhe Ab Dar Nahi Lagta

Kisi Ko Aazmane Se

Kisi K Aazmane Se

Kisi Ko Yaad Karne Se

Kisi Ko Bhool Jane Se

Mujhe Ab Dar Nahi Lagta

Kisi Ko Chor Dene Se

Kisi K Chor Jane Se

Na Samaa Jalane Se

Na Sama Bujhane Se

Mujhe Ab Dar Nahi Lagta

Akele Muskurane Se

Kabhi Aansu Bahane Se

Na Is Sare Zamane Se

Haqeeqat Se Fasane Se

Mujhe Ab Dar Nahi Lagta

Kisi Ki NaRasai Se

Kisi K Parsai Se

Kisi Ki Bewafai Se

Kisi Dukh Intehai Se

Mujhe Ab Dar Nahi Lagta

Na To Is Paar Rehne Se

Na To Us Paar Rehne Se

Na Apni Zindagani Se

Na Ik Din Maut Aane Se

Yaar To Dhoondte Rehte Hain Mere Aibon Ko

Tum Ho Dushman To Meri Bat Samajh Sakte Ho...

Toot Kar Chubh Raha Hai Ankhon Main

Kaanch Ka Tha Mera Khawab Shayad...

Usy Ishq Tha Meri Zaat Se

Mujhe Umar Bhar Ye Gumaan Raha...

Tumhare Dairon Me Ek Umar Se Mehw-E-Gardish Hun

Mera Markaz Nahi Badla, Mera Mehwar Nahi Badla...

Chup Rahe To Khoob Ache Rahe

Zara Jo Bole To Bad-Zabaan Thehre...

tumhain dil se mita dene ka mosam tha

so kya kartay bhula dene ka mosam tha

hawa k zorr se darna bhi kya darna

diya youn bhi bujha dene ka mosam tha

hawayen maatmi hone lageen kiu kar

abi to muskura dene ka mosam tha

zaban to chup rahi ankhen na reh payin

tumhain sb se chupa dene ka mosam tha

isi khatir tumhain hum ne bulaya hai

ana ka dar gira dene ka mosam tha

mujhay hi us ne afsana bana dala

koi qissa suna dene ka mosam tha

ishq darya main nahi koi kinaara yaara

tu ne kis morr pe aa mujh ko pukara yaara

kis tarah chaand saja aa k tere mathay per

kese utra teri ankhon main sitara yaara

jeet ja jashn bhi chup chup k manaya tu ne

dekh main kese tere samne haara yaara

chekhne lag gayi andar ki udaasi mujh main

main ne ro ro k tujhay itna pukara yaara

aik bhi pal nahi kat'ta tha tujhay dekhay bin

ab tere baad karen kese guzara yaara

main to ab bhi hon teri ankh se ojhal manzar

tu to ab bhi hai mujhay jan se pyara yaara

tum bhi ab sheher ki baton main chalay atay ho

ab tumhain kese kahon main hon tumhara yaara

yeh sitaray jo lab e baam nikal atay hain

iss tarah aap k peghaam nikal atay hain

kya karon zehn kaheen aor lagaon phir bhi

khud bakhud aap k aohaam nikal atay hain

jab bhi wo pyar se leta hai mera naam kabhi

loag phir kiu mere hum naam nikal atay hain

wo jo mou pher k har roz chala jata hai

us ko phir mujh se kayi kaam nikal atay hain

zaat ki qaid main ik umar inhain rakhta hon

phir bhi jazbay kayi be naam nikal atay hain