Suna Hai Log Use Aankh Bhar Ke Dekhte Hain Urdu Romantic Ahmad Faraz Poetry

Hello Mere Pyary Nazreen, aaj ap Ahmad Faraz poet ki poetry Pahrne ja rahe ha inko kisi tauf ki zarorat ha ye apne ap mai 1 bhari misal ha, aaj hum mere pyary or dil azed Poet Ahmad Faraz Shab ki Poetry Pahrne ja rahe ha jis ka Naam ha Suna Hai Log Use Aankh Bhar Ke Dekhte Hain yeh boht hi umda qalam qari ha Ahmad Faraz Shab ki, Inki popular poetries mai shamil ha Bhali si ek Shakl thi, Ahmad Faraz in ka Real name Syed Ahmed Shah ha or log iny Ahmed Faraz Rekhta ke name se janty ha.

suna hai log use aankh bhar ke dekhte hain

so us ke shahr men kuchh din Thahar ke dekhte hain

Suna Hai Log Use Aankh Bhar Ke Dekhte Hain Urdu Romantic Poetry Ghazal

suna hai rabt hai us ko ḳharab-halon se

so apne aap ko barbad kar ke dekhte hain

suna hai dard kī gahak hai chashm-e-naz us kī

so ham bhī us kī galī se guzar ke dekhte hain

suna hai us ko bhī hai sher o sha.irī se shaġhaf

so ham bhī mo.ajize apne hunar ke dekhte hain

suna hai bole to baton se phuul jhaḌte hain

ye baat hai to chalo baat kar ke dekhte hain

suna hai raat use chand takta rahta hai

sitare bam-e-falak se utar ke dekhte hain

suna hai din ko use titliyan satatī hain

suna hai raat ko jugnū Thahar ke dekhte hain

suna hai hashr hain us kī ġhazal sī ankhen

suna hai us ko hiran dasht bhar ke dekhte hain

suna hai raat se baḌh kar hain kakulen us kī

suna hai shaam ko saa.e guzar ke dekhte hain

suna hai us kī siyah-chashmagī qayamat hai

so us ko surma-farosh aah bhar ke dekhte hain

suna hai us ke labon se gulab jalte hain

so ham bahar pe ilzam dhar ke dekhte hain

suna hai aa.ina timsal hai jabīn us kī

jo saada dil hain use ban-sanvar ke dekhte hain

suna hai jab se hama.il hain us kī gardan men

mizaj aur hī laal o guhar ke dekhte hain

suna hai chashm-e-tasavvur se dasht-e-imkan men

palang zaviye us kī kamar ke dekhte hain

suna hai us ke badan kī tarash aisī hai

ki phuul apnī qaba.en katar ke dekhte hain

vo sarv-qad hai magar be-gul-e-murad nahīn

ki us shajar pe shagūfe samar ke dekhte hain

bas ik nigah se luTta hai qafila dil ka

so rah-ravan-e-tamanna bhī Dar ke dekhte hain

suna hai us ke shabistan se muttasil hai bahisht

makīn udhar ke bhī jalve idhar ke dekhte hain

ruke to gardishen us ka tavaf kartī hain

chale to us ko zamane Thahar ke dekhte hain

kise nasīb ki be-pairahan use dekhe

kabhī kabhī dar o dīvar ghar ke dekhte hain

kahaniyan hī sahī sab mubalġhe hī sahī

agar vo ḳhvab hai tabīr kar ke dekhte hain

ab us ke shahr men Thahren ki kuuch kar jaa.en

'faraz' aao sitare safar ke dekhte hain

This Ghazal is From :

Film: Jannat Ki Talaash (1999)

romantic ghazal lyrics, romantic ghazal shayari, romantic love ghazal in hindi