Arzo Liye Behtha Hon Sun Le

Jaise taray tote howe

aasman se rothe howe

wese hum tum bhi bikhre howe

wese hum tum bhi bichre howe

khawab sare tehre howe jo

aankhon se meri hi chon lena

Arzo liye behtha hon sun le

teri justoju mein rehta hon sun le

mujhay le chal apne sung piya

meri ankh main tere rung piya

tujhay cheen liya is dunia ne

meri is dunia se jung piya

tere naam ki maala japta hai

mera rom rom ang ang piya

ik bas itni c khwakhish hai

mujhay rung main apne rung piya

ab mujh ko main se tuu kr de

main apne aap se tung piya

chal chup kar baat na kar dhola

meri ghayel zaat na kar dhola

bethi hon dareechay main kab se

ab aaja loat k ghar dhola

bharti hon uraanain samt teri

mujhay lag gaye parem k par dhola

ab bain devaaren karti hain

mera kar gaye soona ghar dhola

ras ghol na mere kaanon main

kabhi mujh se baten kar dhola

kaheen tera lams na khoo jaye

mere dil se jaye na dar dhola

kabhi sun arzi mujh kamli ki

parri aan main tere dar dhola

tumhari rooh ka alam

tumhi jaano

zamanay bhar k rasm o raah ko

jee jaan se mano

mera koi dakhal kese

tera naimul badal kese

meri ankhon ki bujhti karbala

ae yaar pyasi hai

mera mehvar udaasi hai

dard bhi raas hone lagta hai

jab koi paas hone lagta hai

khud ko phir aam karna parta hai

jab koi khaas hone lagta hai

jis se main door hone lagta hon

wo mere paas hone lagta hai

aasmanon se bulaya bhi nahi jaa sakta

ab usay haal sunaya bhi nahi jaa sakta

wo manata jo nahi rothay huye logon ko

us se ab rooth k jaya bhi nahi jaa sakta

us ko taron main koi khaas nahi dil chaspi

chaand ko torr k laya bhi nahi jaa sakta

jis ki tabeer main hathon main liye phirta hon

ab usay khwaab main laya bhi nahi jaa sakta

us se hum tark e taaluq bhi nahi kar saktay

baat ko aor barhaya bhi nahi jaa sakta

tum ne takheer bohat ki hai sada dene main

mujh se ab loat k aya bhi nahi jaa sakta

Barish hoi to ghar k dariche se lag k

Chop Chap sogawar tujhe sochte rahe

Bat Jab Bhi Bigri Hai Lafzon Par Bigri Hai

Kash K Hum Be-Zabaan Hote...

Teri Ankhen Kamaal Hain Sahib

Mujh Ko Misl-E-Sharab Lagti Hain...