Lafz Sada Hai Magar Kitne Pyare Hain

Lafz sada hai magar kitne pyare hain

Tum hamare ho Hum tumhare hain

chup reh kar bhi yaar pukara jaa sakta hai

in ankhon main chaand utaara ja sakta hai

sari lehren tere sadqay de sakta hon

sara darya tujh per vaara ja sakta hai

phir tum se hi aik muhabbat ho sakti hai

phir se tum ko jeet k haara ja sakta hai

tujh ko taknay aor tujhay taktay rehnay se

ankhon se is baat nazara jaa sakta hai

us k aariz dekh k main ne aksar socha

mukh chandaa ka aor nikhaara ja sakta hai

ashkon main mojood musafir shayed tujh ko

ankhon k us paar utara ja sakta hai

tu bichra hai aor main itna hi samjha hon

ab tere bin waqat guzara jaa sakta hai

Nazar Teri Yun Utaar jayen

Ke khud Ko Sadqay Mai Waar jayen

So Ab Anaon Ko Dafan Karke

Kisi Ke Aage To Haar jayen

Jo Zindagani Ke Pal Bache Hain

Wo Hans Hansa Kar Guzaar jayen

Na Aise Rotho Khayal Karlo

Hamain Ye Lamhe Na Maar Jayen

Udas Hokar Bhi Kya Mila HaiChalo udasi Ke Paar jayen

Nazar Teri Yun Utaar jayen

Ke khud Ko Sadqay Mai Waar jayen

So Ab Anaon Ko Dafan Kar k

Kisi Ke Aage To Haar jayen

Jo Zindagani Ke Pal Bache Hain

Wo Hans Hansa Kar Guzaar jayen

Na Aise Rotho Khayal Karlo

Hamain Ye Lamhe Na Maar Jayen

Udas Hokar Bhi Kya Mila Hai

Chalo udasi Ke Paar jayen

muskurahat k baad ka rasta

mujh se phr teh na ho saka janan

tujh se pehle bhi main akela tha

main tere baad bhi akela hon

yeh mera bakht bhi nirala hai

is main thehri theen jis qadar khushiyan

pehen kr wo seyah libas sabhi

baal apne bakher bethi hain

ghar wo apna ujaar bethi hain

vasl ka aik pal bhi raas nahi

koi sukh bhi to aas paas nahi

koi meri tarah udaas nahi

is liye mujh se door rehne main

hai tere bakht ki bhalayi ab

ehteyaatan ye tum se kehta hon

apni khushuyan uhaar mat dena

bakht ka soag tum nhi karna

ab mere paas tum nahi aana

sheher walon ki koi baat na morri uss ne

meri har aas baray shoq se torri uss ne

ab to chup rehne se ho hi gayi us ko nafrat

meri aadat bhi mere saath hi chrri uss ne

dil pe kya kya na qayamat hui barpa mat pooch

bheegay balon se jo ik shaam nichori uss ne

phir pareshan kar diya gaya hon

kitna veeran kar diya gaya hon

yani main saans le nahi sakta

yaani be jaan kar diya gaya hon

mojazay mujh ko aam lagtay hain

itna heraan kar diya gaya hon

tu bhi mushkil se ho gya muhskil

main bhi asan kar diya gaya hon

is se pehle bhi dasht jesa tha

aor sunsaan kar diya gaya hon

zain pehle to main seyana tha

ab to nadaan kar diya gaya hon