Howa to Kuch Bhi Nahi Us se Bichar Kar

Howa to kuch bhi nahi us se bichar kar

Bas jahan par dil tha wahan ab drad rehta hai

dil ki koi bhi baat bataya na kar mujhay

main ne kaha bhi tha k sataya na kar mujhay

darta hon meri lou se tera ghar na jal uthay

shab main diya jala k bulaya na kar mujhay

main khud bhi dekhta hu udaasi k khaal o khad

qissay udasiyon k sunaya na kar mujhay

phoolon ne musta'aar liya tha mera badan

phoolon ki nazuki se churaya na kar mujhay

khud aap apne shoq se bikhra hon dasht main

chun chun k meri khaak uthaya na kar mujhay

main khat nahi k aag mita de wajood e mann

tukron main chahay baant jalaya na kar mujhay

main geet to nahi hon mujhay bhool bhaal jaa

apne haseen labon pe sajaya na kar mujhay

ae dost mohtaram hon zara ehteyaat kar

main vaasal e karam hon zara ehteyaat kar

mere sabab se ishq ki vehshat hai chaar soo

main haasil e sitam hon zara ehteyaat kar

naqsh o nigaar e husn mere mat bigaar sun

main deen hon dharam hon zara ehteyaat kar

be chain din hon aor hon shaam e firaaq bhi

main aik chashm e num hon zara ehteyaat kar

ab baat baat per to uthaya na kar mujhay

main yaar ki qasam hon zara ehteyaat kr

be zaabta nahi k meri aabroo na ho

ba qayeda alam hon zara ehteyaat kar

pati hai yeh bas hayaat meri zaat se ajal

main moat ka janam hon zara ehteyaat kar

junoo ko mohtaram karnay lagay ho

so youn khud per sitam karnay lagay ho

abi to aik lehja kam hua hai

abi se aankh num karnay lagay ho

hamain mehsoos hota ja raha hai

bharosa bhi khatam karnay lagay ho

zamana naam leta hai tumhara

zamanay per karam karnay lagay ho

bata do jurm hum se kya hua hai

jo hum se baat kam karnay lagay h

udaasi zain roti ja rahi hai

yeh ab kesa sitam karnay lagay ho

hum sodayi ab tak jaan nahi paye

kis k seenay lag kar kitna rona tha

kis se kitni baat chupaya karni thi

kis ko kitni baat bataya karni thi

kis ki ankh main chup kar bethay rehna tha

kis k dil main shaam guzara karni thi

hum masoom tabiyat walay aawara

ab tak bilkul bhi yeh jaan nahi paye

bin poochay kis kis k khwaab ain jana tha

kis ko apna haal sunaya karna tha

kis ko ankhon paar utara karna tha

hum sodayi ab tak jaan nahi paye

meri zaban k sabhi harf tolnay walay

khamosh kiu hain mere dost bolnay walay

bata naa ab wo tera sath kiu nahi detay?

qadam qadam pe tere sath dolnay walay

na janay kon c nagri main ja basay akhir

wo yaar loag wo banhon ko kholne walay

khamosh reh k b baten hazaar kartay ho

hunar kahan se tujhay aye bolnay walay

tujhy hi dhoondti rehti hain be asar ankhen

nigah e shoq main taseer gholnay walay