Jin Pe Hota Hai Bohat Dil Ko Bharosa Taabish

Jin Pe Hota Hai Bohat Dil Ko Bharosa Taabish

Waqt Parny Pe Wohi Log Dagha Dete Hain...

Hum Ne Kab Ki Hai Tere Ishq Ki Shiddat Me Kami

Hijr Bhi Sub Se Bara Hum Ne Chuna Hai Tera...

Wo Nigahen Faqat Nigahen Nahi

Un Main Hayaat Hai Sahab...

Kabhi Khamosh betho Gay

Kabhi Kuch Gungunao Gay

Mai Utna Yaad Aaongi Mujhe Jitna Bhulao Gay

Koi Jab Poch Bethega Khamoshi Ka Sabab Tumse

Bohat Samjhana Chaho Gay Magar Samjha Na Pao gay

Kabhi Dunya Mukammal Ban Ke Ayegi Nigahon Mai

Kabhi Meri Kami Dunya Ki Har Shay Mai Pao Gay

Kahin Par Bhi Rahen Hum Aur Tum Muhabbat Phir Muhabbat Hai

Hum Utna Yaad Ayengay Hame Jitna Bhulao Gay

Kabhi Khamosh betho Gay

Kabhi Kuch Gungunao Gay

Torr Dalen Qalam To Behtar Hai

Na Likhen Raaz e Ghum To Behtar Hai

Yun Bhi hum Ko Na Choregi Dunya

Ap Karlen Sitam To Behtar Hai

Kufar hai Hum Unhe Chahen

Log Poje Sanam To Behtar Hai

Ishq Marta To Kam Hi Lekin

Ishq Maare Bhi Kam To Behtar Hai

Daad Milti Hai Wo Sune Na Sune

Aake Zair o Bam To Behtar Hai

Na Karo Tauba Dil Dukhane Se

Ab Na Tote Qasam To Behtar Hai

Dil Ka Qissa Wohi Qadeemi Hai

Na Suno Mohtram To Behtar Hai

Torr Dalen Qalam To Behtar Hai

Na Likhen Raaz e Ghum To Behtar Hai

Aaj Hum Tumko Chalo Saf Bata Dete Hain

Dil e Gustakh Ka Har Raaz Suna Dete Hain

Shiddat e Dard Ne Mujhe Kya Se Kya Bana Diya

Halat e Zar Tumko Bhi Suna Dete Hain

Khamosh Darya Ki Tarah Behti Rehti Hon

Bewaja Ghum Ke Tufaan Mujhe Saza Kyun Dete Hain

Ankhen Ashkon Se Barh Jayen To

Selaab Ashk Mai Sab Shikayat Baha Dete Hain

Ek Raaz Chupa Hai To Chupa Rehne Do

Unke Samne Hum Siskiyun Mai Bhi Muskura Dete Hain

Aaj Hum Tumko Chalo Saf Bata Dete Hain

Dil e Gustakh Ka Har Raaz Suna Dete Hain

aisay wese, wese, aisay kese hain

dekho na yeh log bhi kese kese hain

shab bhar gin gin taray haasil yeh nikla

tere saray vaday tere jese hain

ab main gaon se kam nikla karta hon

tum batlao sheher main saray kese hain

kya tum ne nazdeek se dekhi tanhai?

us k saray roop hi mere jese hain

ab bhi teri baten khud se kartay hain

jesa hum ko chorr gaye thay wese hain