Aye Waqt K Luqman Hai Koi Elaaj Mera

Aye Waqt K Luqman Hai Koi Elaaj Mera

Mujh Ko Mere Khaloos Ne Kayi Bar Duss Lia...

jab kabhi beshumaar sochta hon

tere naqsh o nigaar sochta hon

is liye ashk tham nahi patay

main tumhain baar baar sochta hon

ankh se beh gayin sabhi sochain

itna zaar o qataar sochta hon

yaad karta hon pehle vaadon ko

phir tera aitabaar sochta hon

yeh tera kaaj hi nahi chup reh

ae dil e beqaraar, sochta hon!

waqeyi rayegan gya hon main

ho k tujh per nisaar sochta hon

khud pe to ikhteyaar tha hi nahi

tujh ko be ikhteyaar sochta hon

us ne pucha bata kahan jayen?

main ye bola k yaar, sochta hon

shaam darya nadi kinaray tum

muj ko lagtay ho kitne pyaray tum

aor ik hum k bas tumharay hi

aor ik tum k bas hamaray tum

kiu meri ankh sun nahi payi

kiu nahi ankh se pukaray tum

main tumhain bhool hi nahi paata

ho gaye yaad mujh ko saray tum

kon sa aasman tha bolo

youn kahan se gaye utaray tum

mujh k younhi haseen lagtay hain

chaandni shab udaas taray tum

hijr ka kon sa yeh aalam hai

bas muje de gaye khasaray tum

ab k rona bhi fun main shamil tha

is liye ro parray becharay tum

jab usay haal suna leta hon

apni ankhon ko jhuka leta hon

der tak tum ko suna karta hon

phir koi geet bana leta hon

wo bhi baton main chali ati hai

main bhi baton main laga leta hon

jab bhi aati hai kabhi khwabon main

main usay paas bitha leta hon

ankh lagne se zara sa pehle

uski tasveer utha leta hon

phir kahin jaa bhi nahi sakta naa

kab usay pas bula leta hon

wo mera sab ko bata deti hai

main usay phir bhi chupa leta hon

hijr main dard maza detay hain

gham ko aizaaz bana leta hon

Mujhe Khayal Tha Uska Usy Zamany Ka

Khuda Kary K Zamana Wafa Kary Us Se...

Talkhi Kiun Na Ho Humary Lehje Main

Hum Pe Jo Guzri Humain Yad Hai Sub...

Yaad Rakhna Humari Turbat Ko

Qarz Hai Tum Par Chaar Phoolon Ka...

Safar Main Kese Mohabbat Se Sath Rehte Hain

Sabaq Ye Mene Parindon Ki Daar Se Seekha...

Sar Pe Chadar Bhi Jo Hoti To Ura Deti Usy

Dil Se Chimta Hai Tera Ghum Kisi Deemak Ki Tarha...

Chalti Hi Ja Rahi Hai Ye Umar-E-Rawaan Ki Rail

Hum Ko Yahin Utarna Hai Zanjeer Kheenchiye...