Saza Ban Jati Hai Guzre Waqat Ki Yadein

Saza ban jati hai guzre waqat ki yadein

Na jane kyun matlab k liye mehrban hote hain log

hawa k lams dekha kar, gina na kar

meri tehreer k aansu chuna na kar

main teri ankh k tevar samajhta hon

faqat khamosh betha kar, kaha na kar

udasi k siva kya hai mere dil main

yeh ik bechain jungle hai, gila na kar

tera mil kar bichadna maar deta hai

mujhay tu khwaab main bhi ab mila na kar

mere jo dard hain younhi mehekne de

laga tu shoq se marham saha na kar

tujhay ab maatmi chehron se ulfat kiu?

tujhay main ne kaha bhi tha hansa na kar

teri awaz ghayel hi na ho jaye!

sadayen dasht main mujh ko diya na kar

meri awargi tujh ko na le doobay

tu mere sath betha kar chala na kar

baat suno youn chup mat betho

deevaron se lag kr rona

ankhen pathar ho janay se

kitna behtar hota hai na

kuch to bolo naa ab chanda

k main ankhen pathar hone

se pehle deevar se lag kr

dher sa teri yaad main ro lon

apne in khamosh labon ko

kholo naa aot yeh batla do

kya yeh chup chup deevaren bhi

aansu punchna jaan gayi hain

ab yeh dukh sukh banten gi na

kho gaye janay kahan loag puranay walay

tu ne dekhay hain kahan jaan se janay walay

phir kahani main wohi morr hai anay wala

maar detay hain mujhay loag zamanay walay

mere gaon main to bas aik yehi khaami hai

loat kr atay nahi sheher ko janay walay

us k lehjay main muqayyad hai balaa ki thandak

aor alfaaz sabhi dil ko jalanay walay

tu haqeeqat k tanazar main kabhi mil mujh se

khwaab hotay hain faqat neend main anay walay

raahazan ka to koi khoaf nahi tha hum ko

raasta bhool gaye raah batanay walay

hamaray baray main dunia usay batati rahay

wo aazmanay chali hai to aazmati rahay

ab us ka hijr meri jaan hi na le jaye

usay kaho k mere sheher aati jaati rahay

yakeen karo k mujhay ab yakeen nahi karna

hawa sunaati hai jo kuch mujhay sunati rahay

teri shabon main na utren azaab e hijr kabhi

magar dua hai tujhay chandni satati rahay

yeh intazaar hai kya bhanwli se pooch kabhi

jo apne ghar ko younhi der tak sajati rahay

libas sheher se laa kar zaroor pehno magar

khyaal rakhna kaheen saadgi na jati rahay

main bhool jaon agar zain apni zaat kabhi

kisi ki yaad mujhay aaina dikhaati rahay

yaar yeh jo uadiyan hain na

yeh koi be sabab nahi hoteen

in ki hoti hai aik zaat apni

in ki hoti hai aik baat apni

in k tevar kamal hotay hain

yeh kisi ko khafa nahi karteen

yeh kisi se khafa nahi hoteen

in ki adat hai be zarrar kitni

loag dunia k jo sataye hon

wo jo tanhaiyon k maray hon

hath yeh unka thaam leti hain

aor sb se bara hai wasf inka

yeh kabi be wafa nahi hoteen

hum hi murda zameer loag hain bas

sirf ilzaam detay rehtay hain

boltay hain bura udaasi ko

is se ankhen mila k dekho to

kitni masoom hai udaasi yeh

jan se pyaray jo loag hotay hain

jo k bichray huye hon muddat se

bas unhi k sabab udaasi ye

hum ko jitna udaas rakhti hai

un ko utna hi paas rakhti hai

yaar yeh jo udasiyan hain naa

in ko mehsoos kr k dekho naa

yeh koi be sabab nahi hoteen