Lazzat e Qurb Rahi Shokh e Wisaal Rahi

Raha Na Hosh e khudi Na Giraft Lafzon Par

Khamoshi Guftugu Main Mehv e Wajad o Haal Rahi

Tumhari Chah Mein Diwaan Bhi Agar Likh Don

Samajhna Baat Phir Bhi Maine Khaal Khaal Kahi

Nahi hargiz Mujhe gawara Tera Sar Kham Ho Kabhi

Pas e junoon Har Ek Dushmano Ki Chaal Rahi

Tumhara Hukam Ho Or radd Karon Main Na Mumkin

Kabhi Bhi Aisi Nahi Hai Meri Majaal Rahi

teri nigah main kiyun abr aa theherta hai

ye kis k haath pe rung e hina theherta hai

main jis k vastay har ehtamaam karta hon

wo shakhs mujh se bari door ja theherta hai

yeh paidd jhuk k usay dekhtay hi rehtay hain

jab in ki chaon main wo dilruba theherta hai

yeh loag sheher k jhuk jhuk k muj se miltay hain

wo shakhs jab bhi mere paas aa theherta hai

aksar Aesa ho jata hai

aansu raah bhatak jatay hain

ankhen banjar ho jati hain

sapnay murda ho jatay hain

neendain matam kr leti hain

aksar aisa ho jata hai

bhooli bisri yaden aa kar

dil main dard jaga deti hain

rooh ko zakhm laga deti hain

bechaini k is aalam main

sari raat guzar jati hai

ankhen surkh raha karti hain

sar main dard raha karta hai

aksar aisa ho jata hai

zindagi ho gayi hai khafa in dino

koi rehne laga hai juda in dino

kaat khanay ko dorray hai yeh khamshi

koi deta nahi hai sada in dino

mustaqil ban gayi soch herat kada

kar raha hai wafa, bewafa in dino

dard saray muje raas anay lagain

de raha hai koi yeh dua in dino

dhoondne lag gya hon main khud ko kaheen

mujh ko milta nahi raasta in dino

aik jhonka teri yaad ka bhool kar

dene aya muje aasra in dino

aaj saray sheher ko khabar ho gayi

zain mera nahi wo raha in dino

sun pagal bechain si larki

yeh jo ankhen hoti hain na

aksar dhoka de jati hain

aksar dhoka khaa jati hain

jism to matti hota hai na

jism ko matti ho jana hai

to phr is ki chahat kesi

phr jismon ki haajat kesi

sun koyal ki meethi meethi

pyari boli jesi larki

meethay bol suna lena tum

rooh se rooh mila lena tum

vaar karay jb tanhayi to

mujh ko paas bula lena tum

mere ghar k angan main ik

tanha pairr pe anay walay

meethay phal k jesi larki

main us pairr k neechay betha

phr se tum ko soch raha hon

aaj mujhe tum yaad ayi ho