Umr Guzregi Imtihan Men Kya Sad Romantic Ghazal Jaun Elia Sad Poetry

Today we write some good and best poetry collection of Urdu Poet John Elia poetry, read John Elia Sad, Joun Elia Rekhta poetry 

Umr Guzregi Imtihan Men Kya

Daaġh Hi Denge Mujh Ko Daan Men Kya

Meri Har Baat Be-asar Hi Rahi

Nuqs Hai Kuchh Mire Bayan Men Kya

Umr Guzregi Imtihan Men Kya Sad Romantic Ghazal Jaun Elia

Mujh Ko To Koi Tokta Bhi Nahin

Yahi Hota Hai Ḳhandan Men Kya

Apni Mahrūmiyan Chhupate Hain

Ham Ġharibon Ki An-ban Men Kya

Ḳhud Ko Jaana Juda Zamane Se

Aa Gaya Tha Mire Guman Men Kya

Shaam Hi Se Dukan-e-did Hai Band

Nahin Nuqsan Tak Dukan Men Kya

Ai Mire Sub.h-o-sham-e-dil Ki Shafaq

Tū Nahati Hai Ab Bhi Baan Men Kya

Bolte Kyuun Nahin Mire Haq Men

Aable Paḍ Ga.e Zaban Men Kya

Ḳhamushi Kah Rahi Hai Kaan Men Kya

Aa Raha Hai Mire Guman Men Kya

Dil Ki Aate Hain Jis Ko Dhyan Bahut

Ḳhud Bhi Aata Hai Apne Dhyan Men Kya

Vo Mile To Ye Pūchhna Hai Mujhe

Ab Bhi Huun Main Tiri Amaan Men Kya

Yuun Jo Takta Hai Asman Ko Tū

Koi Rahta Hai Asman Men Kya

Hai Nasim-e-bahar Gard-alūd

Ḳhaak Uḍti Hai Us Makan Men Kya

Ye Mujhe Chain Kyuun Nahin Paḍta

Ek Hi Shaḳhs Tha Jahan Men Kya

By JAUN ELIYA Sir